عدد المساهمات : 39 Coins ~ : 69 تاريخ التسجيل : 12/02/2010
موضوع: قصة حب حقيقيه الأحد سبتمبر 26, 2010 5:36 am
اخواني واخواتي اعضاء منتدى الامارات.. يشرفني اني أحكي لكم هالقصة الواقعية اللي تحمل كل معاني الحب والألم والامل فنفس الوقت لكم ..
وبداية ً حبيت أقولكم ان القصة مكتوبه على إيد اخوي ( رعبــــــــــوب ) ... في المنتديات الاخرى مب هني طبعا
ففضلا ً إذا بودكم تنقلون القصة .. للحفاظ على حقوق الكاتب . فمن الواجب ذكر المصدر واسم الكاتب
ومشكوريــــــــن .. و اتمنى منكم الاستجابة للطلب ..
وهذي القصة حصلت لأقرب الناس لي عسب جي حبيت انقلها لكم ..
وهذا مضمون القصه :
( بشاير ) و ( علي ) أهم الشخصية الرئيسية فالقصة ..
فأيام ماكانت بشاير في سن 17 .. تعلقت واااااايد فولد عمتها ( نواف ) وحبته
حب ماله اول ولا آخر .. وولد عمتها نواف اكبر منها بثلاث سنوات ..
وهو بادلها نفففس الشعور .. فدايما ً كانت تدور أي فرصه تجوفه فيها ..
ودومها مرتزة فبيت عمتها والسالفه
انها متخبله عالريال ..
وهو ريال طيب وعلى نياته .. وكفاية انه جماله وحسن سلوكه غطوا على
شخصيته .. فما تنلام ليش انها حبته ..
لكن مثل ما يقول المثل ..لا الفرح دايم ولا الحزن دايم ...
فيا اليوم اللي كبر فيه ( نواف ) وصار لابد انه يشتغل .. ففضل انه يسافر بعثة
لبريطانيا.. و مع السفر كللل شي تغير
دامت مدة سفره 4 سنين ... من عقب ما سافر .. اتصل لبشاير يطمنها عليه ..
اهو اتصال وااااااااحد وبس .. ومن عقبه نسى كل اللي كان بينهم .... كل شي ..
لا خبر ولا حتى رساله تتذكره فيها
كل اللي عطاه لها صورته و كاتب عليها ( المغترب ) ..
تمر الأيام و بشاير بلهفة لنواف .. فخاطرها تسمع صوته .. تعرف شو صار له ..؟
ليش كل هالغيبه ..
مرت سنتين على سفره .. و مثل ما يقولون اللي بعيد عن العين بعيد عن القلب ..
لكن هالمثل ما آمنت به بشاير
ولا فكرت فيوم انها تنساه .. رغم كل اللي سواه وياها ..
كبرت بشاير .. وصار عمرها 19 سنه .. والكل طالبها ويبه يخطبها .. لكن الأهل
مب موافقين ، والسبب ان البنيه متمسكة بولد عمتها ..
فبيوم من الأيام ..
ياها اخوها الصغير وبيده رساله .. المسجين مايدري شالسالفه و إهي اكبر
وحدة فالبيت .. فناولها الرساله وقالها :
بثاير .. مادري ثفت الورقه هذي فوق الثطوح .. فيها كلام .. مادري ثو انتي اقري ثو مكتوب !!...
قرت بشاير الرساله واهي مصدومه ...
يا ترى شاللي كان فالرساله ؟؟ ومنو اللي كاتب هالرساله ؟؟ وشالسبب ؟؟ وكان مضمون الرساله وبدون تفاصيل .. ( يعني بالمختصر )
ان أهو فخاااطره يتعرف عليها اذا ما عندها مانع ... ما يبه يصرح عن نفسه .. بس يبه يعرف شو رايها و يذكرها بنفسه انه واحد تعرفه من أيام الطفوله ... أيام ما كانت فالابتدائية ... وغيره وغيره .. وكاتب لها أبيات شعر ... و فخاطره يردون للطفوله .. عسب ترجع هذيج الأيام الحلوة اللي كانت ... فاستغربت ... معقووووولة ؟؟
منو هذا ؟ وشو يبه ؟؟ ووووو أسئلة اشكثر خطرت فبالها .. فمن كثر فضولها ركبت للسطوح .. وجافت شريط ... و وياه رساله ثانية .. ومدون عالشريط رقمه فشلت الرساله والشريط و راحت حجرتها واهي ماكلنها الفضوووووول.. فخاطرها تعرف شاللي فالرساله قرت الرساله .. وفيها أبيات شعر .. وكلام معسول يا عيني .. و كاتب لها انه يموت فحبها من زمان .. بدون ما تحس ..
سمعت الشريط ... فيه اغاني .. بعضها لعلي بحر وخالد عبدالرحمن والباجي ... مادري بهم .. فظلت دووووم تصك الباب على عمرها و تسمع الشريط .. حست باحساس غريب .. فعمرها ما مرت بهالموقف .. ولا كان فبالها انها بتمر فمثله .. وكالعاده ... اول من درى بالسالفه خواتها ... أهم ناااس عدها بالدنيا .. و اعز ناس فاللي اقترحت عليها انها تسأل عن صاحب الرقم .. واللي قالت لها هذي حركات شبابيه.. ناس ما عدهم سالفه.. أما بنت عمها .. فقالت لها عطيني الرقم وانا بتصرف بالباجي .. لكن بشاير ما تامن لبنت عمها .. فرفضت الفكره ففكرت وفكرت ...
لكن .. لشو اتوصلت ... ؟؟؟؟
فإهي حطت فبالها شخص معين .. من عيال الجيران ... لكن اللي غييير رايها .. انها الرسايل اللي استمر يطرشها لها يكتب فنهايتها اول حرف من اسمه ... فعرفت انه هب اللي فبالها .. فمع الأيام ... قام يراقب متى يظهرون الأهل من البيت ويستغل الفرصة .. ويتصل لبيت هل بشاير فدامها اهي اكبر وحدة .يعني اهي اللي بترد على التلفون .. فرن التلفوووون ... تررررررررررررررن ترررررن !!!!!
وردت عليه بشاير ... :ألووووووووو ......... تسمع صوت هادي .. و بالصعوبه تلتقط كلامه ..
ألوووو السلام عليكم بشاير : وعليكم السلام والرحمة .. نعم أي خدمة خويه ؟ ؟؟؟ : أي خدمة ؟؟ والله انا مب متصل لكفتيريا والا مطعم والا .. بشاير : لو سمحت حسن ألفاظك ، واذا متصل تبه خويه .. تراه مب موجود وتقدر تاخذ رقمه من أي واحد ،، و ان كان فنيتك تأذينا ، ترى ما قولك غير ، استح على ويهك ، تأذي الناس .. ما عندك خوات تلمهن وتغار عليهن ، ما عندك أهل يعلمونك شقا تتعامل ويا الناس ؟ وتصك السماعة فويهه
فبداية اتصالاته المتكررة كان يختبرها ... لكنها دوووم تصك السماعة فويهه واول ما يوصلون اهلها تخبرهم عن السالفه ..
والوالد اظايج من السالفه ... و فخاطره يعرف هالريال ويسجنه بعد .. لأن اتصالاته اتعدت 20 اتصال فاليوم ومسبب للكل ازعاج .. لكن كل مرة يحاولون الأهل يعرفون هالشخص اللي مأذنهم ما يقدرون لأنه دوم يتصل من كباين ..( هواتف عموميه ) وفـ مررررة اتصل نففس الشخص ... واللي ردت عليه ( بشايــر ) بشاير : ألووووو !! ؟؟ : يا مرحبا الساع والله ، يا مرحبا ببنت الحسب والنسب ، ويا مرااحب ملاييين ولا يسدن .. بشاير : بدينا .. نعم ؟ خير انشالله ؟ منو وياي ؟؟ : اذا تبين تعرفين منو اللي يطرش لج الرسايل ... لا تصكين السماعة بشاير : شووووو ؟؟؟؟ منو انت ؟؟؟ وشو تبه ؟؟ و أي رسايل ؟؟ : أقولج ، أنا انا نفس الشخص اللي يرسل لج الرسايل .. بسسس اهو قال جي ... عرفته على طووووول ،، لأنه عنده عقده فحرف الراء .. (غاء ) يعني اكيد فهمتوا بشاير : منووووو ؟؟؟ علي ، قول ،، ليش ساكت ... ؟؟ : علي ؟؟ أي علي بشاير : قول بكل صراحة ، الصراحة حركة مب حلوة منك من بعد سكوووت طويل .. ردعليها وقال ؟؟ : والله لو أقولج شاللي فقلبي لج ، مستحيل تصدقين ! ما بجذب عليج وبدوخ فراسج ، بس انتيه تعرفيني زين ، و انا ما حب ألعب فذيلي ،،، هيه انا علي أنا علي اللي كنتي تسميني انتي والكل ( بالسفـــــاح ) .. انا اللي كل ما تحرش فيج أي واحد من الفريج ألعن له خير بوسلافه .. أنا اللي كل ما جفتي فلم تركضين وتخبريني .. أنا اللي كل ما غلطتي وخايفة من اهلج .... تركضين لي وتقوليلي ... انا اللي كل ما ألاقي وردة ....لازم اعطيها لج .. انا اللي كل ما احلم حلم .... أخبرج به .. وما خبي عليج أي شي يستوي لي ... انصدمت بشاير .. لأنه ذكرها بأشياء جدييييمة .. وناسيتها تماما ً و اهو ذكرها و رجعها لأيام الطفوله بشاير : بس بس بس يا علي بشاير : علي علي : عيون وقلب وحس علي .. تامرين أمر .. شو فخاطرج الغاليه؟ بشاير : لو سمحت علي .. هالكلام ما يمشي عليه ... غزل وكلام فاضي .. انا مش البنية اللي انت ادور عليها ... صح اني أحس يمكن تكون صاج ... لكن دخيلك .. لا تجيسني .. هذا شي راح وانتهى ... و انت كنت شي من الماضي ... شاللي رجعك ؟؟.... علي : لااااااااا يا بشاير شو هالرمسة .. انا لو ابه ألعب بذيلي أقدر ألعب على ستيييين وحدة ، لكن انتي غير بشاير : علي اذا انت صاج فاللي تقوله ......... انسى .... انسى انك عرفتني فيوم ، أرجوووك أنا أكبر من انك توهمني .. و تقص عليه وفالنهاية تخلني متعلقه بأمل مفقود علي : بشاير ... أنا علي اللي كنتي تعرفينه وما تغيرت .. أحبج أكثثثثثثر من أي شخص فالدنيا ،، انتي أهلي وناسي وكل دنيتي بشاير : علي اذا صاج فرمستك ، لا تتصل البيت مرررة ثانية ، لا تأذينا ، وانسى ان فحياتك وحدة اسمها بشاير و السموحه يا علي طراااااااااخ
تصك السماعة فويهه ومن يومها ما اتصل ... بشاير فالحجرة ويا خواتها ،،، بشاير : مرايم ... شو فقولتج احينه ، علي صج يحبنيه و ما يجذب عليه ؟ مرايم : والله مادري به ،، ولادري اللي سويتيه به بيخليه ينساج او لا .. كل اللي اعرفه انه كان شيطاااااااان على أيامج ... مادري به احينه يمكن عقل والله هداه حصة : ريميه خلي بشوره على كيف كيفها ،،،،، تفكر فعلي وناسية ولد عمتها نوااااف ،، اللي على قولتها تحبه بشاير : حصووووه ،، تدرين ان نواف سافر ولا سأل عني ولا افتكر ، ما فكككككر يطرش سلام ويا خواته على الأقل وانا أحبه هيه احبه ، سوي نفسج مكاني ،، شو بتسوييييييين ؟ حصووه : والله انا واللي عليه سويته .. قتلج خلج منه ... بشاير : اوكي فيج الخير ،، زين سويتي يالله اسكتيه .. حصه : ههههههههههههه أمزح وياج ... بس صج حسيتج مهتمة فيه .. غريبه..مب من عوايدج بشاير وعلى وييها ابتسامة : انتي ما تيوزين عن سوالفج .. مب مهتمة ولاشي .. مب فايجه لمزاحج حصوه ..
أفكار بشاير متشتته .... شاللي بيصير يا ترى .. وهل بتظل بشاير على هالحال ... وهل علي بيقطع اتصالاته وبينسى ؟ هل بتظل بشاير على حب نواف .. او ...
ومر جم شهر على السالفه .. فـي مرة كانت بشاير ظاهره رايحة السوق ويا خالتها و خواتها وبنات عمتها .... يشترون اغراض تدرون بعد البنات وسيراتهن للمراكز ما تخلص .. وفجأأأأأأأأة يررررررررن موبايل بشاير ... شافت الرقم ....!! ما عرفته ؟؟ غريبه هذا رقم منو بشاير : فصوووووول ، دخيلك شوف لي هذا رقم منووو ؟؟ ---> > > فيصل اخوها الأصغر منها بسنه فيصل : ها شنو رديتي عالمكالمة ؟؟ بشاير : لا تخيل ،، رقم ما عرفه ... اوكي لحظة شوي .. الرقم مو غريب علي ..... شايفه وييييييين ؟؟ ويتصل فيصل على الرقم فيصل : ألوووو ، مرحبا علي : اهلين وعليكم السلام فيصل : صوتك مو غريب عليّ ... الشيخ اعرفك ؟ علي : ههههههه ربيع عمرك يارياال وناسي صوتي .. مو انت فيصل ... أمس كنت وياك في الكافي فيصل : اهااااااااااااااا ... علي و فز قلب بشاير يوم اسمعت اسم علي ... وادور في بالها أفكار وأفكار و اول ما خلص اخوها من المكالمة سئلته .. منو هذا ؟؟؟ وكيف عرف رقمي ؟؟ وشنو يبي -------> > > كلته .. فيصل : أخت علي ولد اييراننا تعرف رقمج .. ؟؟؟ بشاير : والله مادري عنها .. يمكن أحد قالها من رفيجاتي ... ليش ؟؟ فيصل : لا أبد بس يقول انه شاف رقمج في موبايل اخته ... فحب يتأكد اذا كان صج هذا رقم بنيه .. بشاير : اهااااااااا .... عيل دامه بيسوي ويا كل وحدة من رفيجاتها هل الحركة عزى الله طاحن فيها ربيعاتها وتضحك ..... بس ظلت تفكر في السالفه ... معقوله ... اخته اشلون يابت رقمي ؟؟ وليش يتصل على رقمي بالذات .. الله يعين شاللي بيصير .. بس في اعتقادكم شاللي بيصير ... وكيف علي أخذ رقم بشوووورة ؟؟
بشاير : لا حوووول الله ... الساعة 2 الفير ... حد يتصل بهالوقت ؟؟ ناس فاضيه –----< < مشكلتها ما غلقته دون ما تنتبه للرقم : ألوووووووو صوتها مرووووووح ... خخخخخخ علي : سلام عليج الشيخة .. ها شو رااااااااااقده ؟ بشاير : علي .. عليكم السلام ... كيف تتصل بهالحزة ... انت بعدك ما بتتوب ؟؟ تدري اني ما فخاطريه أكلمك .. وكلاميه اللي قلته لك قبل كان جازم و كنت صريحة فيه ليش رجعت لي مرة ثانية .. علي : بشاير ... حبي لج أكبر من اني انساج .. النسيان صعب تعرفين شو يعني صعب .. اللي يحب صعب انه ينسى 00 النسيان مب سهل يا بنت الناس 00 اذا ما فقلبج حد بادليني الحب 00 انا فامس الحاجه لج 00 والله أحبج ومحتاج لج 00 أنا أحبببببج أحبببببببببج واموووووووت فيج بعد والله .... بس محتاج فرصة أخبرج و تفهميني .. بشاير : الكلمة هذي كبيره فمعناها يا علي ... انت حاس باللي تقوله عــ ويقاطعها هني علي ويقول شووووو حاس باللي أقوله ...؟؟؟ اقولج انا احبج وانتي أعصابج باااااااااردة ... انتي تعرفين معنى الحب ؟؟ كيف تبيني أبرهن لج عن حبي .... مستعد لأي شي تقولينه بشاير : سمي بالرحمن وحط راسك وارقد يا علي ... انت اللي تسويه اكبر منك ... واللي بتتعرض له مع الأيام استحاله تستحمله ... كل اللي تسويه غلط بغلط بغلط يا علي ... انا بنت ناس ولي اهل .. والحمدلله عايشين ... و انسانه عاقله عارفه الصح من الغلط فدخيلك سكر عني و انسى ...... انسى انسى ... علي حز فخاطره رد بشاير عليه .... لكنه ما يأس وحاول وياها .. وبرهن لها عن حبه .. بكل الطرق ... وفكل يووووم لازم يتصل علي على موبايل بشاير .. لازم كل يوم كل يوم .. ما يعدي يوم .. لكن بشاير معانده .. ما ترد عليه والمسجين عقب ما يتعب من كثر اتصالاته يطرش لها مسجات .. يقول فخاطره على الأقل تتذكرني بشي حلووو حتى وانا مب فقربها.. الصبــــــــــــــح .. الساعـــــــــــة 8 ينش علي من رقاده ... على رنين موبايله ... منوالمتصل ..؟؟ فيصل علي : ألووووووووووووووه هاااا فصيل: بسم الله الرحمن ... !! خالتيه .. آسف عالازعاج .. الظاهر مغلط بالرقم علي : شو مغلط بالرقم يا ريااااال .. تتطنز حظرتك فيصل : أوووووووه .. والله تحريتك يدووووه ... بس نسيت انها متوفيه ...... الله يرحمها علي : هااا شو رحت الاتصالات فيصل : الاتصالات ؟؟؟؟... تراها خايسه خايسه .... يا ريال قوووم ورانا طريج ... قوم وغسل ويهك واتسبح لا تقعد تهلوووس علي : هاااا ؟ اوكي .. بس بو صلوح اتصل بك أمس فيصل : يا ريااااااااااال هههههههههه ما خبرتك سالفته .. والله فشله .. هذا محد يوديه المارينا .. بعدين بعدين أهم شي احينه روح اتسبح .. وتعالي .. انا بيي وباخذك .. بس هااا لا تتأخر علي : اوكي .. نزل علي من الطابق الثاني من عقب ما تسبح و تكشخ وراح جدا صورة امه ... باسها وفقلبه حزن .. يذكر انه كل ما يبه يظهر مكان يستأذنها.. و تحلف عليه ياكل قلب لا يظهر .. ويبوسها على راسها .. وايدها .. وتدعيله ... علي : آآآآآآآآآآآآآآآآه ............. وين زمانج يا اميه .. والله وحشتيني ... الله يرحمج ويغمد روحج الجنه .. ظهر علي ويا فصيل .. وباله كله مشغووول ببشاير .. و يطرش علي مسج لبشاير .. فيصل : علوووه ؟؟ اشبلاك ساكت و تتعبث بالتفلووون .. سولف .. انا بروحي ظايج خلقي .. علي : ما حيدك .. دومك مستانس وماخذ الدنيا ومشراع وميداف .. فيصل : هيه والله ....... بس الله يغربل فطوووم لا تتصل ولا تطرش مسج .. علي : ونوروه فيصل : تدري بعد .... خلاص شو ابه فيها ... خاينه ووحده الله لا يبليك فيها علي : و ريموه و بدروه و ايمان ؟؟ الظاهر صارن جدام فيصل : ما بتسكت ... ذكرتني باللوعاه ... يا ريتني ما قلت لك تكلم علي : فيصل .. احس اني تعبان .. من أمس و أنا بطني مب بخيييير .. ( علي ويا فيصل ويا الشباب ) علي : يا جماعة انا اترخص ... أحس اني مب صاحي بوصلوح : وين رايح يا بو الشباب .. انت خلك ريلاكس وكل شي بيكون تمام .. ....... لكن انت زرعت فنفسك هالشي .. علي : زرعت فنفسي ؟؟ شو ؟ بوصلوح : شو بعد !! انك مريض .. علي : هههههههه ما عندي سماد أزرع ههههه مسوي عمرك فيلسوف بوصلوح : أوكي الشيخ مرخوص .. بس داري على عمرك وانت تسوق شوي شوي .. لا تدعم لنا شبه والا ادش فالرصيف أدريبك تراك .... لازم كل اسبوع حادث علي : ههههه شو قالوا لك اني بوصلوح نمبر 2 راح علي .... ظل طوووول اليوم وهو يمشي فالسيارة ... ويتسمع اغاني علي بحــر ... يموووت فأغانيه ... مجرد ان الماذن يأذن على طوووول يروح علي للمسيد ..... مرت الساعات و علي يتمشى بالسيارة .. ناسي نفسه ... ناسي كللل شي .. حتى البيت ما دله .. الظاهر نساه .. مرت الساعة 8 العشى .. 10 .. 1 .. واهو طول الوقت .. يتصل لبشاير .. يطرش مسجات .. لكن ... بلى جدوى مرت الساعات .. و اهو يتمشى .. عقبها راح للبحر .. الظلام يخيم عالمكان ... لكن ضوء القمر محلي المكان .. و صوت علي بحر و النغمات الهادية تاخذ تفكير علي ..... لأبعد مكان ... مكان ما يعيشه غيره اهو و حبيبة عمره بشاير .. فكر علي بعمق .. ويسأل نفسه مليووون مرة ... بشاير تحبني ... او لا ... فقلبها حد غيري ؟؟ وين بتحصل انسان يحبها كثري ويييين ؟ اشمعنى قلبي تعلق فيها اهي بالذاااااااااات من بد كل هالبنات .... ؟؟؟ أنا البنات يترجوني ... أتصل او اعطي وحده فيهن ويه .......... و المخلوقه الوحيده اللي تصدني ............ قلبي يريدها ومتعلق فيها .. ويقطع حبل أفكاره .... اتصال .. فيصل : الوووووو علي : هلا هلا بحبيبي فيصل : وينك يا ريال لا اتصلت ولا سألت عنبوه .. قلت يمكن استوى بك شي ... والله اني طول الوقت احاتيك .. علاوي .. بتروح باجر المارينا مووول ؟؟ علي : لالالا ... مب قادر .. احس .... مب قادر .... أحس فيصل : بتم على هالموال ؟؟ احس احس ... ككلها احاسيسك خرطي .. بس لا تحس علي : ههههههه يا ريال ... والله تعبان .. مادري اشفيني .. بطني واااايد يألمني ... فصيل: اوكي .... انت ما ويهك ويه ظهرات .. مادري اشبلاك انت مب عايبني أبد .. متغيييييير .. مب علي اللي كنت اعرفه علي : ما علينا .. اهم شي انك تهتم بنفسك .. وسلم عالجماعة باجر ... الظاهر اني ما بقدر أظهر فيصل : مسموح يالطيب .. اهم شي صحتك .. واذا فخاطر شي .. فما عليك غير انك ادق ..ونحن حاظرين وفالخدمة
ومرت سنة تقريباً على كل هذا ،،، وفيوم من الأيام ، قعدت بشاير قعدتها المعتاده عالنت .. وفتحت مسنجرها وايميلها .... وتفاجأأأأأأأأأأت ........ ؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من شو تفاجأت بشاير ؟؟
تفاجأت بشاير ان ولد عمتها نواف مطرش لها رسالة عالايميل .. وطبعا ً كلها مكتوبه بالانجليزي
Hi DEER :that's me How are you ?? ana el7emdelellah tmaaaaam ow enty wen ma tselen ? Elmohem deer ana raje3 elemarat yooom eljm3a enshalla .... slme slme Babaaaaaay
ويوم الجمعة قريب وما باجي عنه شي ... مب عارفه بشاير شتسوي .... نواف رجع ... مع انه ما افتكر فيني قبل ليش ؟ انا شو سويت له ؟؟ فـ يا يوم الجمعة ... رجع نواف من السفر ... من عقب 4 سنين ... راحت بشاير واهلها بيت عمتها ... جافت نواف... متغيييير 360 درجة .. مب بس شكلا ً حتى تصرفاته مب مثل قبل ... تغيير وايد .. مب مهتم لها .. أبد حتى علي .. مهتم بها أككككككثثثثثثر من نواف .. بس فوق كل هذا ... الحب الأول استحاله يتعوض بأي حب بشاير : هاه نواف... متغير واااايد ... نواف : لا متغير ولا شي ... انتي اللي كبرتي وااااايد ... واحلويتي اكثر بشاير : نواف ... شاللي غيرك .... انت منت الأولاني .. نواف : صرت أجوفك شخص ثاني .. انت متغييييير حبيبي .. انت منت الاولاني بشاير تنزل راسها : أنا جاده يا نواف ... نواف : أقول بشاير .. أنا مشغول شوي .. بروح أقعد ويا الأهل .. أجلي هالكلام الفاضي لوقت ثاني بشاير مستغربه من ردة فعله : كلام فاضي ؟؟؟ نواف : .... بشاير ... أجوفج على خير -----------
.. المهم لاحظت بشاير ان علي قطع اتصاله بها .. عالأقل كان متعود يطرش لها مسجات .. لكن هاليوم .. ليش ؟ اكيد فيه شي ... فيصل وهو يربع لبشاير للطابق الثاني .... بشايرووووووووووه .... بشوره يالله خلصيني افتحي الباب .. بشاير : زييييييين لحظة ... فيصل : بشاير لو سمحتي ممكن سيارتج شوي ؟؟ بشاير : غريييييييبه اول مرة تستأذن فيصل : هههه ترى هذي اول مرة أستأذن وآخر مرة بعمري كلللللللله بشاير : بس انا عندي مشوار .. لزمن علي أروح واخلصه ... فيصل : اوكي .. بس على شرط انا اللي بسوق.. بروح المقهى شوي باخذ شي ناسيه ويا واحد من الشبيبه وعقبها بروح المطعم باخذ لي والربع اكل .. وعقبها ..... بشاير: لاااااااااا والله طرار ويتشرط ما خلا مكان ما قلت لي بروحه ... و انا ؟؟ مشواري فيثل : خليني اكمل ... ... وعقب ما اخلص نزليني المستشفى .... اخذي السيارة وروحي بها .. بشاير : المستشفى ؟؟ خير اللهم اجعله خير شو صار ؟؟ شو مستوي فيصل : ولا شي .. بس خبرج علوووه ولد الجخ ... مريض وحالته لا تسر عدو ولا صديق ... بشاير : الله يكون فعونه .. حليله محد مداري عالبيت وخوانه غيره ... الله يعافيه انشالله فيصل : يالله .... فالرجعة اتصلي بي اوكي ... ظل بال بشاير مشغووول على ... علـــي .. الانسان ..اللي بالنسبة لها غير عن كل الشباب ... راقي .. له أسلوب حلو .. وقلب احلى .... حاولت تتجنب هالأفكار اللي تطري على بالها .. حاولت تخفي اهتمامها بعلي .. وحزنها على مرضه .. لكنها ما قدرت ... لأنه غييير .. غييييييير ... بشاير فخاطرها : شو هالغبااااء .. انا عندي نواف ... وليش أفكر بعلي ؟؟ نواف وغيره محد فقلبي ... هو الحب الاول والاخير ..
اهم يومين على هالرمسة اللي صارت بينهم ... واتصل فيها نواف نواف : بشاير ..... بشاير : هلا نواف ... هههه غريبه .. أحينه فكرت تسأل نواف : يا آنسه بشاير انا ما بطول فكلامي ولا بلف وبدووووووور مثل ما تسويين انتي بشاير واهي متخرعه .... نوااااااااااااف .... لو سمحت حاسب على كلامك .. نواف : بتلعبين العبي على غيري يا آنسة ... أنا أكبر من انج تلفين وتدورين علي ... أدري بكل تصرفاتج .. تتحسبين اني سافرت خلاص يعني .. صدقيني أنا ما بحاسبج على شي لأني أساسا ً لغيتج من حياتي .. انتي من حياتي انتهيتي ومن زمااان .. ويأسفني اني أقولج واعترف لج .. إني ما حبيتج بالأساااااااااس .. صدق والله ما حبيتج .. كنا صغار .. نقص على عمارنا .. اصحي يا بنت النااس .. بس بقولج الله يهنيييييييييج ويا حبيب الروح
بشاير : شوووووووووه ؟ كييييف ؟؟ نواااااااااااااااااااااف ؟ هذا استحالة يكون كلامك ....... اذا انت اقرب الناس لي وحبيب عمري وقلبي ......... تقول هالكلام بكل سهوله ....
وللحديث بقية ... بس يا ترى شاللي اكتشفه نوااااااف !! وليش معصب عليها ؟؟ يعني معقوله عرف عن سالفة علي ؟؟؟ تهقون درى ؟؟؟ يمكن تكون السالفة اكبر من جي ....
من يدري
واستمر نواف يجرح بالكلام .. وبشاير صاخه تسمع لكلامه .. ومن عقب ما خلص .. قالت له : خلصت كلامك ؟؟ نواف : لا ما خلصت ... ،، لا تقولين اني اعاتبج لأني احبج !! لااااااااا وستين غلطانه بعد .. أنا أعاتبج لأنج بنت خالي.. وبمثابة الاخت لي . لا اكثر ولا أقل ..........لكن ............... . منو الشخص اللي تكلمينه ؟ من دبي ... بشاير : من دبي ... مادري به والله ولا عرف عن شي .... نواف : بسسسس .. توقعت ردة فعلج .. لكن .. يأسفني اقولج هذا آخر اتصال .. وبعدين مافي مجرم بيعترف بجريمته بكل سهوله .. بس لاتنسين ........ اني ما حبيتج من الأصل .... ولا يهمني شو مكاني فحياتج .... او ... موقعي من الاعرااااااااب ... مادري هذا الثالث والا العاشر اللي تكلمينه .... الله يستر بس ... وما خفي اعظم ...... هه هه ... يأسفني انج بنت خالي بشاير وهي تصيح من خاطرها وفلبها حسراااااااااااااات على العمر اللي ضاع وياه هدر .................. : اوكي يا نواف ... خذ راحتك .. وقول اللي فخاطرك ... بس لا تنسى ان بشاير حبتك بصدق وامانه .. لا تنسى بنت خالك اللي عاشت أحلى أيام عمرها وياك .. أنا اللي المفروض اقولك ... الله يهنيك فحياتك .. وداعت الله .... و اول ما سكرت ... اتصل بها علي عقب 5 دقايق تقريبا ً .. ترددت بشاير ترد او لا ... بشــــــــــاير : الوووه ... ه ... ه علي : مرحباااااا مليووووووووووون ولا يسدن 000 اشحالج الشيخة ؟ بشايــــــــــــــر ساكتــــــــــــه علي : ألوووو ..بشاير.. حبيبي ........؟ حبيبي ردي .. ألو .. بشاير : هلا علي علي و أهو خايف : بشاير .... اشفيج ؟؟ شو صاير ... صايحة ؟؟ في حد زعلج ؟؟ صار لج شي لحظة صمت علي : بشاير ردي أرجوووووج لا تذبحيني ، خيييير شو مستوي ... بشاير : ولا شي .. بس أنا جم مرة قلت لك لا تتصل .. أرجوك أنا بغنى عن المشاكل اللي فيني كافيني أرجووووووووووووووووووووووووووووووووووووووووووووووو وووووووووووووووك علي : أفاااااا ....... ليش ؟؟ أحينه انا بسبب لج مشاكل .. والله ما توقعتها منج بشاير : بصراااااااااحة ... أنا أحب ولد عمتي والظاهر انه ما يحبني ..... تشهق وتصييييييح من خاطرها علي : كيييييييف ؟؟ تحبينه وانا آخر من يعلم .. بشاير : والله ما فخاطريه أجرحك .. أرجوووووك تفهمني علي : بس انا احبج وانتي تدري من زماااااااان .... تصيح بشاير علي : حبيبتي ،،،،،، على شان خاطر علي هدي اعصابج ، والله الدنيا ما تستاهل ،، بسج صياح دموعج غالييين عليـّه ،، على شان خاطري بس .. بشاير : انشالله يا علي ... صج انك ولد حلال وقلبك كبير .. أدري صبرت عليه وايد ... علي : حبيبتي انا مالي حد أغلى عنج .. من عقب عيون الوالده الله يرحمها .. انتي الوحيده الغاليه ... تاخذ نفس عميق و تقول .. بشاير: زين علي .. ليش كل اللي نتمناه ما ناخذه ؟ علي : هه ... شؤال صعب .. بس اتوقع انج تعرفين اجابته مع الأيام .. علي : بشاير اذا انتي خايفه على مصلحتج ... لا تفكرين بنواف .. مجرد التفكير بس .. ترى والله بزعل .. كفاية انه نزل دموعج ودموعج بالنسبة لي أغلى من الدنيا ما فيها ... اغلى من الماس والذهب .. وحرام واحد مثل نواف ينزلها من عيونج اللي ما قول عنها غير عيون غزلان .... خلينا من سالفه الزطي ولد عمتج .... المهم علي : بشاير حياتي.. حبيبي .. اذا خذتج انشالله ... شو فخاطرج تسمين النونو ؟ بشاير : ههههههه مب جنك مستعيل وااايد ؟؟ تتكلم عن العيال مرررة وحده .. علي : علشاني عيون علاوي جاوبيني .. بشاير : اممممم .. اذا كانت بنيه ...بسميها فتون او حور ... واذا ولد ... فزاع .. ريسان .. مروان هههه علي : اممممم حلو .. و انا يعني مالي راي ؟؟ بشاير: هههههههههه انت اللي سألتني بعد شوووه؟ هههه ، والله فيك الخير يا علي .. رجعت لي البسمه واستمرت المكالمة أكثر من ساعتين و مع مرور الأيام .. حست بشاير ان قلبها يميل لعلي .. واتمسكت فيه اكثر واكثر وما يمر يوم دون ما تسمع بشاير صوت علي .. وعلي وعد بشاير انه يخطبها .. بس تنتظره جم شهر ..
وما عادت بشاير مهتمة بنواف أبد ... لان اللي سواه وياها مب شويه ..
لكن قبل لا تنهي علاقتها بنواف .. حطت فخاطرها انها تاخذ جزء من حقها على الأقل ... لأنها اعرفت انه يكلم ربيعتها .. و يعشق بنت عمها اللي بكككككل وقاحه ... تقربت من نواف .. و خذته من بشاير .. واللي شلل أفكار نواف و دس فيها هالسوالف ما كان غييييييييير .... ( آمنه ) بنت عم بشاير ...
بشاير قاعدة عالكمبيوتر ... وفاتحة ايميلها .. تبه تطرش لنواف رساله وتغني بأعلى صوتها .... ( لا يــا قلبــي لا اتكلم .... لا يــا قلبـــي لا اتــــألم ... هذا هو اللي تحبـــه .. لو نسيته .. آآآآآه لو نسيته كان أرحم )
وتدخل عليها امها ... بشاير يا أميه اشبلاج .. صوتج واصل لآخر الشارع .. بشاير : لا ولا شي يا امايه ... بس كل اللي فالسالفه ان بت عميه أمووون خذت مني نواف .. وسممت له أفكاره و أمس اتصل بي يشتمني .... ويجرح بي ... هذي جزاتيه يوم اني رفضت كل واحد يتقدم لي على شانه .. هذي جزاتيه يوم اني ضيعت وقتي وعمري و انا أسأل عنه .. ومتعلقه فحبه ... والدموع ابتدت تغرغر فعيونها .. أم بشاير : أموووون هذي ما غيرها ... يعل ربي ينتقم منها ... و انا أقول فخاطري ليش كل ما أروح بيتهم ما تيلس مثل قبل .. أحيدها كانت دوم تنشدني عنج .. و اطرش لج سلام .. و احينه ... ما عليج منها يا أميه .. ولا عليج من نواف مليوووون واحد من امثاله وأحسن بعد يحبون التراب اللي تمشين عليه .. هوني عليج يا أميه .. و قعدت الوالدة ويا بنتها بشاير ... و هدتها و خففت عنها .. وعقب راحت وهني قعدت بشاير تلتقط انفاسها .. وتستعد لكتابة الرساله لنواف .. اللي بطرشها له عالايميل فيا ترى .. شو بتكتب بشاير لولد عمتها ؟؟؟ وشو فخاطرها تسوي .. شنو المصير؟
الرساله :
السلام عليكم والرحمة
هلا نواف .. اشحالك ؟؟ أكيــد بخيييير و بألف صحة وعافيه دامك فأحضان أمووونه ... ما فنيتي اخرب سعادتكم فبعض .. بس فقلبي جمن كلمة فخاطريه أبوح بهن وأريح ظميري
أدري ان الحجة اللي ابتكرتها عسب تتخلص مني ... ما أثرت فيك .. لكنها أثرت فقلبي وحياتيه اللي أرخصتها لجلك وانت والله ولا مهتممممم ... يا خسارة والله ... خسارة وقتي وعمري اللي ضاع وياك .. ويا انسان ما عرف غير حب نفسه .... وحبه لهالدنيا واللي فيها .... كلامك اللي تفضلت به كان أقوى من طعنات السيف فصدري .. ولا ولا حسيييييت بتأنيب الظمير .. واللي ما يأنبه ظميره مستحيل يكون انسان ... لا تستغرب من كلامي .. بس من حقي و انا بدعيلك ان الله يسعدك فحياتك .... و تلاقي الانسانه اللي تسعدك .. وتصبر على العيشه وياك .. خســــرتك ... !! مستحيل أصدق اني خسرتك .. بعدما كنت احارب العالم عشانك .. خسرتك وبكل جدارة .. وخسارتي لك بسبتك ..
فضلتها عليه .. حبيتها وتركتني مخدوعه و أعانـــي .. هجرتني يوم اني بأمس الحاجة لك .. خليتني بدمعي و احزاني .. متمسكنه الآلام فضلوعي .. سهيرة الليالي بلا من يواسيني ..
ما اظن ارتكبت ذنوب غير هذا ..... قلبي بذاته حبــّــك ... كيف أمنعه ؟؟ كيف امنع القلب يحب .. وهو مخلوق للحب .. مشكلتي فاختياري ... حبيت لي واحد أناني .. زيف احساسه بحبي .. ما عرف معنى مكانه .. لكن أعاهدك بحبي وحياتي وبكل معاني الصدق ... اعاهدك وربي يشهد عليه .. أوعدك انا انساك و أقتل شعوري اللي انغرس فصدري وفالخفوق .. و أمحيك منحياتي وذكرياتي .. بمحيك شروى مسح كتابات القلم .. وما سطرت بالاوراق ببدا حياتي من يديد من غير أي هم او أي ألم ..
أرسلت الرساله وريحت ظميرها .. و ابتدت حياتها من يديد .. مع علي .. اللي ما حطت فبالها انها ترجع له او تكوّن وياه أي علاقه لكن فسنة 2002 يعني قبل سنه ... استوى شي .. ماكان فبال ولا فخاطر أي حد من قوم بشاير تدروووون شو صاااااااااااااار ؟؟؟؟؟؟؟؟؟؟؟
اتقدم نواف لخطبة بشاير .... والكل منصدم .. مع ان اهله قبل كانوا يحاولون وياه بكل الطرق انه يرجع لها .. ويخطبها لكنه رااافض الفكره .. بس شاللي رجعه لبشاير ... كان يحب أموووونه على قولته ... وكان محطي فباله ان بشاير تكلم واحد من دبي .. ليش شاللي غير تفكيره ؟؟؟ الله أعلم .. بشاير ... ما وافقت ...عليه ... اهلها استغربوا ...؟؟؟ ليش ... يدرون باللي صار بينهم بسسس ما توقعوا منها هالشي .. لكن بشاير أصرت انها ترفض .. و قالت لاهلها أنا ما أبييييييييييييييييييييييييييه يستحيل عليه أني آآآآآخذه .. و فنفس اليوم ------------------حزة العصـــــرانيه -------------------
ياها أخوها فيصل ... فيصل : بشووورة حبيبتي باجر الصبح بروح معرض السيارات والله محتااااار فخاطري أخذ مرسدس بو عيون وفخاطري بي ام ... شو رايج ..؟؟ بشاير : والله مادري بك ... بس البي ام هذي كشششخة وزقرتيه ... ما يركبونها الا الشيوووخ طال عمرك فيصل : هيه والله صجج .. بس لازم بتمدحينها دام عندج بي ام .. بشاير : هههههههه والمرسدس بعد زينه .. خصوصا ً انك على ويه زوايه .. جيه ما تخطب وترتاح من اللف والدواره فالمراكز والتسكع ويا الشباب اللي ما بينفعونك بشي ؟؟؟ فيصل : شوووو وين تبين انتي .. مينون انا اخطب .. لالالالا خلني بعيد عن هالسوالف احسن .. تعالي بشورة على سالفة الخطبه جيه ما تبين نوافوووه ؟؟... ماشالله عليه مافيه شي .. بشاير : فصووول .. السالفه هذي انتهينا منها من زمان وانت تدري باللي صار بيني وبينه .. فيصل : أدري بشورتي بسسسس ... أمووون ما تسوى ظفر من ظفووور ريلج حبيبتي .. وبعدين دامه خطبج يعني شارنج ويباج .. بشاير : أنا نسيته خلاص .. ما عاد له أي أثر فحياتي فيصل : بشاير .. مهما لفيتي ودرتي .. انا أدري انج تحبين علي .. صح بشاير مرتبكه .. فيصل: انا أدري .. لا تحاولين .. جفت اتصالاته لج .. وجفت ردة فعلج هذاج اليوم اللي اتصل فيه حزة ما كنا فالسوق .. ووووو لو اعدد لج ما بخلص .. وباختصار أدري بج وانتي اختي بشاير : كل هذا تعرفه من وراي . فيصل : ههههههه والله لو ما الولد ولد ناس و أصول .. وربيعي الروح بالروح وادري انه انسان محترم... والله ما سمحت بهالشي لانه اذا يباج .. صدقيني بإمكانه ياخذج .. لكن لا تتحلمين ... تدرين ان اهلي ما بيوافقون ... بشاير : لييييييش ؟؟؟ فيصل : تسإليني ليش وانتي تعرفين .... تدرين انه يوم صغير كان اكبر سفاح فالبلاد .. وغاوي مشاكل بشاير تقاطعه : لكن اول غير واحينه غير .... ادري بك تبه تدهن سيري وتقربني من نواف... لا ما باه فصووول .. فصيل : بالنسبة لنا تغيييير .. لأانا عرفناه ... لكن أهلي ... بتظل الفكره راسخة فبالهم .. ودريه يا بشاير خلاص ... انتي مالج غير ولد عمتج .. وتمت بشاير تفكر فكلاااام اخوها .. والعشا ... عقب ما خلصوا من العشى .... طلب الوالد يجوف بشاير .. ياته .. بشاير : هلا بويه ... طلبتني الوالد : يلسي يا بنيتي ... بشاير : خير ابويه في شي ؟ الوالد : انتي كبرتي يا بنتي .. دشيتي الجامعة .. ودخلتي تخصص زين .. وشرفتينا كلنا ... و انا مستانس فيج .. انتي البنيه اللي حلمت بها .. كبرتي على ايدي .. وعلمتج وما قصرت عليج بشي بشاير : و انا أشكرك من كل قلبي أبويه... والله انت تاج راسي الوالد : بنيتي ........................................... بخصوص ولد عمتج ... حطي فبالج يا بنتي انج كبرتي .. والكل طالبنج ويباج .. لكن مالج غير ولد عمتج .. محد بيخاف عليج أكثر من ولد عمتج .. ومثل ما يقولون الأقربون اولى بالمعروف .. و انا ما أقدر أرد عمتج .. تعرفين شالمشاكل اللي بتيينا اذا رفضناه ... انا بوافق يا بنتي .. وانتي فكري وردي علي .. مالج غير ولد عمتج .. مالج غيره
عقب ماخلص الوالد كلامه وياها ... ركضت بشاير على حجرتها وصكت الباب وراها بقووو ... وكالعاده ... ابتدت تصيح دخلن عليها خواتها .... كل وحدة تحاول تواسيها و تقنعها بالفكره .. كل وحدة تحاول تخفف عنها فدخلت عليها امها ... و ركضت بشاير ولوت على امها ... كلمتها الوالده عن الموضوع و الكل أقنعها انها تاخذ ولد عمتها .. لكن بشاير ما تريده .... كفاية انه اعترف بانه ما حبها بالأساس .. احينه يباها .. عقب ما قلبها صار للغير .. عقب ما زيييف احساسه .. وعيشها بدنيا كلها اوهام ... كانت تحبه ... بكل صدق تحبه ... لكنه تركها بالرغم من انها بامس الحاجه له ... كانت تبه قربه .. تريد الانسان اللي عاشت سنيــــــــــن واهي تتنظره ... وفالنهاية يقولها وبكل سهوله .. كنا صغار ونقص على عمرنا .؟؟؟ شو من الظمير عنده هذا ... شو من الاحاسيس يمكتلك ....... قلبه شوووو ؟؟؟ والله الحجر على الأقل يتفتت .. لكن قلبه .. أقسى من الحديد .. كفاية أسلوبه وطريقة كلامه وياها ! انجبرت انجبرت أقنعوها حاولووووا وفالنهاية وافقت عالفكره ... واقنعت روحها مع انها تكره نوااااف .. تكككككرررررره ... وافقت عليه مغصوبه ولا خبرت علي .. لأنها ما تبه تأذيه ..بس طرشت له مسج ... صدقني أككككككرهك من كل قلبي .. وفحياتي ما حبيتك ... انا جاااااده فكلامي .. اكرهك اكرهك ..انساني طرشت المسج واهي تقول فخاطرها مع كل دمعة تسيل من عيونها ... والله اني احبك .. ولأني احبك .. أسوي جذي والله يا علي ..... خل قلبك يقرى اللي فقلبي ... وبتعرف اشكثر عزيتك في حياتي ..
اتصل بها على طوووووول يبه يعرف شاللي استوى بها .. من جم يوم مكلمنها ولا فيها شي ... مستانسة وطااايره من الفرحه بعد و احينه ؟؟؟؟ يتصل يتصل ويتصل لكنها ما ترد عليه أبد ... يا ترى .... شو آخرتها ... شو اللي بيصير ؟؟؟ هل بترد عليه بشاير ؟؟ هل بتخبره عن السالفه ؟؟ هل بتظل بشاير تحب علي ؟؟؟ او ....
استمر علي يتصل بها واهي ما ترد .. فغلقت الموبايل ... وما فكرت تفتحه أبد .. اتصل لها عالبيت .. لكنها معانده وما ترد ... وعقبها .... راحت بشاير لبلكونة اختها مريم .. لأنه هالبلكونه مطله على بلكونة علي ... اللي فلته حذال فلة قوم بشاير كانت دايما ً تتردد على هالمكان ... وفجاة .. لقت رساله ... مضمونها
ذهبت إلى البحــر ... ومشيت على الشاطيء بخطوات يجوبها الخوف من الوحده.. أحلم بوجودك قربي.. وأتلمس طيفك الحالم .. لعل الجراح تبرى .. رحت أتحامل على نفسي .. و أجر الخطوات .. لعلي أجد ملاذي .. وخذلتني بهذه اللحظات دموعي .. فانسكبت على وجنتي .. و أحسست بقربك مني وبعدك ... وياللأسف .. أيقنت أني وحيد ... وفجأة ... تهاتفت الأمواج .. وغصب البحر .. فلطمتني موجة ... وصفعتني .. فقالت لي : لماذا تذرف الدموع .. لا شيء في هذه الحيــاة يستحق ان نبكي لأجله .. فقلت : بلى .. ففي بستاني ورده .. يستحيل على أي مخلوق قطفها .. وفي دربي ..شمعة .. تضيء لي طريقي .. ويستحيل عليها أن تنطفيء .... وفي حياتي ... بسمة ... علمتني معنى الحياة .. وأن الانسان لابد ان يستمر فالحياة .. مهما كانت الظروف ومهما واجه من صعاب ... فأحببتها ... نعم احببتها .... وكل دموعي رهينتها .. وكلي ملك لها .. فلا تغضبي مني .. فهذا هو الحب الذي يستحق ان أذرف من اجله دموعي ....
المجروح a -------------------------
استمرت الأيام .. ولا حس ولا خبر ... علي تايه .. مب عارف شاللي يصير من حوله ... يبه حد يطمنه ... قلبه مب مرتاح .. لا اكل ولا شرب ... حتى النوم ما تهنى به ... فالنهاية اضطر لأنه يخبر اخوها ... فعصصصب عليه فيصل .. وقاله .. اترك اختي فحالها .. انت تدري عن منو ترمس ؟؟ عن اختي .. اختي ..اختي لو سويت هالحركة بإختك بتستانس وبتساعدني أرجع لها ... علي : بس انت تدري اني هب غاوي العب عليها .. فيصل : هه عيل تعال واخطبها يا فالح ... شو منتظر .. علي : والله مستعد اليوم قبل باجر .. بس انت تدري ان أمايه اتوفت من جم شهر( توفت بالسرطان ) وما أقدر ... منو المسؤول عن خواتيه واخواني .. تدري ان من عقب ما اتوفى اخوي الاكبر صرت انا المسؤول عن عيلتي .. تدري ان الوالد والله يذكره بالخير .. مرقد فالمستشفى وعنده القلب ... يعني .. لازم أواجه الواقع و أمشي الحال وعقب يصير خيييير .. فيصل : عقب يصير خيييير ؟؟؟ عقب بتتفاجأ يا علوووه .. وراح فيصل عنه ..
قام علي وطرش لبشاير رساله ويا اخوها الصغير .. ( ثلطان ) .. و اكد عليه انه يسلمها لها ايد بإيد فراح الحبوووب لبشاير وناولها الرساله ... وكان مضمونها
سلام عليج ورحمة الله
وينج حياتي لاحس ولا اخبار ... مدخل الله اطمنيني عليج .... أرجووووج والله الليل ما انامه والسبة هالأفكار اللي تدووور فخاطري قلت يمكن زعلتج فشي او ظايجت فيج ...
( اشقـــد احبـــج وانتي تدرين . قد الفرح فاليوف وقد السنين .. اشقد أودج لا تسإلين .. لأن كل شي انكتب فوق الجبين )
واذا تحبيني صج مثل ما تقولين ... أرجووووج خبريني .. افتحي تلفونج ... أرجوووووج .. تدرين انج الهوى اللي اتنفسه .. تدرين انج مثل الماي اللي أشربه .. وبدووون كل هذا ما اعيــــش .. مالي حياة بدونج
لا تجرحي المجروح .. يكفيه جرحه .. يكفيه من وقته ... لوعاه وحرمان المجروح a
احتضنت بشاير هالرساله .. اللي فيها من ريحة ظناها ... وبأنامها الصغار ... مسحت عالرساله .. تتلمس الكلمات .. واللي بين السطور تتلمس احساس علي وهمساته ... و ... انزلت عبراتها ... وتركت أثر عالرساله ... بكت بكثر ما تعذبت ... بكت .. وبكت .. وما زالت همومها فصدرها ... مستحيل تروح .. او تنمحي بكل سهووووله .... لكن
بشاير ..... ما قدرت غير انها تمززززع الرساله .... لأنها ما بتقدر تنفذ أي طلب طلبه .... لأن ملجتها جرييييييبه ... وما تبي تظلم الريال وياها ... بس احتفظت بذكراه ... بكرى احلى حب فحياتها .. بحرف a .. اللي تحمله قلادتها .. اللي أهداها اياها .. مروا الاسبوعين ... ويه موعد الملجة .. وعلي مايدري عن شي ... اتصل فيصل بعلي .. وقاله ... فيصل : هلاااااااااااا بو الشباب .... علي : هلا بالشييييخ ... مرحباااااااااااااا مليوووووون ولا يسدن ... فيصل : هههههههه وينك يا ريال .. كل ماروح المقهى ما جوفك ... مب من عوايدك .. علي : شقولك يا ريااال ... انت عارف ... ظروفي ما تسمح ... فيصل : لا بس اذا فصوووول طلب منك شي استحاله ترده .. علي : انت تامر الشيخ .... تفضل اطلب وانا حاااااااااااااااظر وفالشوفه ... فيصل : اوكي ... توصل الطلبيه للبيت والا الوقت متاخر ..؟؟ علي : ههههههههههههه شووووو متصل كافتيريا يالدحااااااااااح .. فيصل :هههههاااي لا لا صج .... عقب باجر ملجة اختي ... و أنا من احينه أعزمك .. ابه اجوفك اووول المعازيم ... تعال انت واخوك نوفل ... كل الشباب بيتواجدون وقوم عبود كحيل .. وسلوم صنقور تعال ياريااال ..ترى الشباب كللللهم بيووون لا يكون تتغيب .. علي : هههههه اكيد اختك مريم ... فيصل : لا وانت الصاج .... اختي بشاير صخخخخخخخ علي ... حس ان جسمه كلللللللللله تشلل ... ما نطق ولا بكلمه فيصل : علوووووووه ... بلاك صاخ .. ؟؟ الوووووو علووووووه عاد لا تتمصخر ..رد يا ريااااال .... هاه خبرني بتحظر ؟؟ علووووووه ... علي ... اوكي براحتك جان ما تبه ترد .. انا سويت الواجب .. واذا تعزني صج بتحظر..... يالله باي
ومع الأيااااااااااااام راحت بشاير و اتصلت على ... مسج موبايل علي ..... فسمعت ... مسجه .. (( تاخرتي )) لراشد الماجد وانتابها حزن شدييييد .. وقلبها آلمها .. على الكلمات .. وعلى فقدانها لعلي.. ادمعت عينها .. ونزف قلبها .. تحطمت أحلامها وآمالها .. خذت فخاطرها على أهلها وعالكل لأنهم بيدهم يروها للقبـــــر .... دفنوها واهي بعز شبابها.. يوم ابعدوها عن قلبها ونبضه ... بس الله يرحم هذاج الحب ... ... ويه يوم الملجة وكانت الملجة بفندق ... واتزهبت بشاير ... و طااااااااالعة قمر 14 ماشالله عليها .. .. ظهرت بشاير عالكوشه وهي بكامل كشختها وزينتها .. يخزي العين عليها ... لكن نظرتها تحمل كل معاني الحزن .. والألم ما ودها تروووح ... ولا ودها تظهر للناس ... ما فخاطرها تكون يم نواف .. اللي ما همه فالحياة غير نفسه ... الله يسامح اللي كان السبب فالألم اللي سببه لبشــاير وعلي .. علي .. الانسان اللي حب بكل صدق واحساس خالص .. لكن ياللأسف .. مثل هالحب .. محكوم عليه دووم بالموووووت .. بس ليييش ؟؟ لأنه حب صادق ؟؟ او ان الزمن غدر بهالأشخاص ؟؟ !! المهم مشت .. بخطوات متثاقله ... شايله وياها حزن وهموووم توزن هموووم الناس كلها .. قعدت بشاير عالكوشه .. واهي كلها حزن .. حاولت تخفي عبراتها .. حاولت تنسى انها ملجت .. حاولت تنسى اللي صار .. لكن ملامح وييها .. تحكي اللي فقلبها .... بنظرات حزينه قامت تناظر الناس الموجودين .. اللي يحتفلون بيوم مماتها ... وانصدمت ... لمحت شخص .. شخص ومب أي شخص .... تفاجات بشاير بشخص موجود فالملجة .. ما توقعت وجوووده بالأساس .. منو هالشخص يا ترى ..؟؟ وهل بتكتمل ملجتها على خير ؟؟ ؟؟؟؟؟؟؟؟؟؟؟؟؟
كانت بشاير يالسه على الكوشه ... ويت أخت علي ... ( ميثة ) وسلمت على بشاير وباستها .. وقالت .. علي يسلم عليج .. يهديج الأغنية الثانية اللي بتدقها الفرقه .... تعرفين منو اللي بيغني ؟؟ علي يا بشاير .. علي اللي بيغني ... على شانج ... لأنها آخر مرة تسمعين صوته بها ... ويتأسف لج على أي ضرر سببه لج اسمحيه .... ومبروووكه عالملجة .. عقبال العرس ... الله يهنيج فحياتج ... بشاير قلبها بدى يدق بسسسرعه .. خايفه .. متألمه .. ماتدري شو شعورها بالظبط .. تنتظر بأحر من الجمر الغنيه اللي بيقدمها لها ..... تنتظر تسمع صوته الرقيق ... اللي انحرمت منه مدة طووووويله ... لكن ... مع اول كلمة تلفظ بها .. وقف قلبها .. وذرفت دموعها ... واختلطت احاسيسها .... و تأكدت انه هذا اليوم اللي بتودع الدنيا فيه لا محاله .... تعرفوووون شو غنى لها علي ....تعرفووون ؟؟؟؟؟؟؟؟؟؟؟؟؟؟
غنى لها اغنية ( باودعك ) بس اهو قال المقطع الاول من الاغنية ... و ما تمالكت بشاير اعصابها .... قامت تصيح بطريقه تعق القلوب.. والكل تراكض لها ... ويقولون للفرقه يوقفون دق .... ومحد درى ان اللي أثر بها صوت ... علي .. وكلمات الاغنيه .. بس الأم بررت الموقف بأن البنيه ما يهون عليها فراق اهلها .. حليلها الوالدة ما تدري عن شي .. بس الملجة تمت ...
وعقب ما رجعت بشاير للبيت .. قبل ما تدخل وتتسبح .. بطلت الموبايل ... وكللللل المسجات مطرشه لها من علي ... وفجاة يرن تلفووونها .... وكان المتصل؟؟؟؟؟؟؟؟؟؟؟ ؟؟؟؟؟؟؟ ريلها نواف ... تدرون النذل شو يبه ؟؟ نواف : ألوووو هلا بشاير بشاير : أهلين نواف ... هاه غريبه متصل مب عادتك ؟ نواف : ليش صحتي فالملجة ؟؟ بشاير : ولا شي تأثرت بالغنيه .. نواف : بسسس ؟؟ بشاير : هيه بسس نواف : أوكي ... بس انا جم مرررة قلت لج خفي وزنج صح ... ؟ بشاير : زين حاولت ... بس شو تبه اكثر .. وزني صار 56 .. نواف : ههههههههههههه شويه ... والله فشله شكلنا ونحن عالكوشه ... ههههههه بشاير : انت تتحجج يا نواف .... شو ؟؟ تبه تخلق مشكله ؟؟ نواف : تدرين اني ما حب المتاااان ... يالمتيييييييينه ... بشاير : @-@ فاجه حلجها ؟؟؟؟ نواف : أقولج .... تراج لا تغترين بعمرج واااااايد ... وتتباهين انج قمر ... انا احلى منج وبظل احلى بشاير : شو هالرمسه المخبقه ؟؟؟ اقووول اعدل رمستك ويايه ..أنا حرمتك ... و انا ادري اني مب احلى عنك بس على الأقل لي قلب واحسسس بطعناتك هذي .... و الحمدلله راضيه بخلقه الله نواف : والله ان جفتج بالعرس ما خفيتي لطلقج على طوووووول بدون ذكر أي سبب بشاير : شووووه .. حسبالك انا ميته عليك .. ( تصيح ) انا ما اجبرتك تاخذني .. كلمتك بخصوص السالفه وقلت لك انت مجبووور عليه .. قلت لي لا ... قلت لك تبه آمنه ..وقلت لي لااااا .. شو بعد ..تبه تتحكم فكل شي فحياتي انشالله .. انشالله ... انشالله .... بس تذكر اني لحد احينه فبيت اهلي ... و أقد
الرئيسية 
.gif)
