عمل دميه من الجوارب

/

\

السلام عليكم و رحمة الله و بركاته ...

مساكم الله بالخير يا عرب ...=D

شحالكم خواتي ..

عساكم بخير و سهاله ...^؛^

هذا اول موضوع لي هني .. و حبيته يكون من تطبيقي و ايديا و حياة عينيا خخخخ ...

انا بشكل عام احب الاشغال اليدويه بس ما اتييني افكار ... بس احب اطبق ...^؛^

و من فتره شفت لأختي " على خطى الحبيب " .. موضوع حلووو و روووووووووووعه ..

و دششش بخاطري دشش لووول ...(:

شوفوهـ ..

**عرروسة(دميةبالجوارب)تهوس جنان بالصور والخطوات**

المهم امس عاد يلست و سويت مشاااابه له خخخ ..

بس بصراحه اتعنيت شووويه ... و خربطت شوي و عدت كذا مره لووول ...×؛×

بس هاا لا تضحكون عليه خخخخ ...>؛<

هو شكله كيوووت و يضحك لووووول ...

المهم نبدا ...

الادوات اللي بنحتاجها :..

- مقص ..
- خيط و ابره ..
- قطن ( خذته من الوالده و هو من زرعها لووول ) ..
- نوعين من الدلاغات ( واحد ساده و واحد بورود ) ..
- شريط اورجينزا ( سبحاااان الله بالصدفه حصلت شريطه بنففس اللون ..^؛^ )
- اي شي مثل خرز .. المهم نسويه شرات العيون خخخ ...^؛^

عمل دميه من الجوارب 21265709370

:

طريقة العمل :..

- ناخذ الدلاغ اللي ساده و نقصه بهالشكل ..

عمل دميه من الجوارب 21265708133

- و نحشي الجزء اللي على شكل مستطيل منه بالقطن ..

عمل دميه من الجوارب 31265708133

- و عقب نخيطه .. من الصوبين ..

عمل دميه من الجوارب 2afc485d9b02e1e56b6e4bd6e04810e0

- و يستوي شكله جذاا .. ( مخده خخخخ ) ..

عمل دميه من الجوارب 71265708133

- بعدين انييب خيط .. و نضعفه مرتين ...

عمل دميه من الجوارب 41265708133

- و نلفه على الشكل اللي سويناه .. بس بحيث الجزء الفوق يكون اصغر من التحت ...(:

عمل دميه من الجوارب 81265708133

- الحين يا دور الريوول لووول ... نقص خلقه و نحشيهم قطن و نربطهم بخيط .. و نقص الزوايد ...^؛^

عمل دميه من الجوارب 51265708133

- و نركبهم على الجسم اللي سويناه .. ( لووول الريول طلعو صغاااار ع الجسم خخخخ ×؛× ) ..

عمل دميه من الجوارب 91265708133

- الحين يينا ع البس مالها خخخ .. نقص النوعيه الثانيه من الدلاغ ... بهالشكل ..

عمل دميه من الجوارب 71265709007

- و ناخذ الجزء المزين ..

عمل دميه من الجوارب 01265709007

- و نلبسها جي .. ( بعد لازم ندفيها مب روحكم البردانين خخخ ) ...

عمل دميه من الجوارب 11265709007

- بعدين ... نخيط من تحت .. عشان يستوي مثل البنطلون لووول ..(:

عمل دميه من الجوارب 21265709007

- و نركب لها العيون ( لا تسألوني من وين يبتيهم خخخخخخخخخخ =$ ) ..

عمل دميه من الجوارب 31265709007

- و طبعا لازم ندفي لها راسها و نلبّسها آيس كاب خخخخخ ... انييب جزء ثاني من نفس الدلاغ .. و نخيطه على راسها جي ..

عمل دميه من الجوارب 41265709007

- طبعا لازم نخش الفضايح اللي ورا راسها ...

عمل دميه من الجوارب 51265709007

- ف يبت شريطة الاورجينزا ... و سويت فيه فيونكه .. و خيطه على راسها بهالشكل .. ( بعد لازم تتكشخ شوو والله لووول ) .. و بعد لفيت من الشريطه جزء صغير و حطيته عن يبهتها ..

عمل دميه من الجوارب 91265709007

- اتصدقون لييين هني و انا ناااسيه ان لازم نسوي لها ايدين خخخخخخخ ...×؛× ف سويت لها اكمام و ايدين ...^؛^

عمل دميه من الجوارب 01265709370

الحين خلااااص خلصنا من تلبيسها و تكشيخها --> عااشت اللغه لووول ..

:

:

:

:

:

الشكل النهااااائي خخخخ ...^؛^

من جدام ..

عمل دميه من الجوارب 41265709370

من وراا ..^؛^

عمل دميه من الجوارب 51265709370

/

هااا اش رااايكم ههههههههههههه ...

كيووووت صح خخخخخخخخخ ...=D

طبعا ما بحتفظ فيه لنفسي .. بهديه لبنوته صغيره وايد احبها ..^؛^

حلووو وايد يوم نفرح قلوب اليهال بأبسط الاشيا ...

تراهم ملايكة الرحمن و اقل شي يفرحهم تعتبر صدقه ...(:

و إلى اللقاء في عمل قادم خخخ ...^؛

يسلمووو

بس الصور مب ضاهرة!!

سووري بس باانقله لج
آتمنى تنال رضااكمــ

عادي عسوولة^^